Եգիպտոսի նախկին նախագահ Հոսնի Մուբարաքն ընկել է կոմայի մեջ: Այս մասին հաղորդում է եգիպտական Al-Misr Al-Youm կայքը` հղում անելով Մուբարաքի շրջապատում իր աղբյուրներին: Սակայն այս տեղեկության պաշտոնական հաստատում դեռ չկա:
Ըստ նույն աղբյուրի` վերջին հեռուստաուղերձի ժամանակ Մուբարաքը երկու անգամ ուշագնաց է եղել, որի հետևանքով ուղերձի նկարահանումը մոնտաժի է ենթարկվել: Երեկ Եգիպտոսի վարչապետ Ահմեդ Շաֆիկը հայտարարել էր, որ Մուբարաքը գտնվում է Շարմ Ալ-Շեյխի նախագահական նստավայրում` բժիշկների վերահսկողության տակ: JSS News իսրայելաֆրանսիական ամսագիրը պնդում է, որ Մուբարաքը մահամերձ է և գտնվում է գերմանական Բադեն քաղաքի հիվանդանոցներից մեկում: