Գիտնականները պարզել են, որ երեխային կրծքով կերակրելը կարող է օգնել մայրերին տասնամյակներ շարունակ նիհար մնալ:
The Daily Mail-ի փոխանցմամբ` Օքսֆորդի համալսարանի հետազոտողները պարզել են, որ այն մայրերը, ովքեր իրենց նորածին երեխաներին գոնե մի քանի ամիս կրծքով են կերակրել, անգամ 30 տարի անց ճարպակալության հետ կապված խնդիրներ ունենալու քիչ հավանականություն ունեն:
Հետազոտողները հաշվարկել են, որ նորածնին կրծքով կերակրելու յուրաքանչյուր 6 ամսվա ընթացքում մայրը կորցնում է գրեթե երկու կիլոգրամ քաշ: Չնայած դա շատ չէ, բայց, այնուամենայնիվ, կարող է կանխել մահվան հազարավոր դեպքեր, որոնք տեղի են ունենում ճարպակալության հետ կապված հիվանդությունների պատճառով:
