«Հայաստանում քաղաքական զարգացումները կամաց-կամաց արթնանում են և մոտենում են հեղափոխականին»,- լրագրողների հետ հանդիպման ժամանակ կարծիք հայտնեց ՆԺԿ նախագահ Արամ Կարապետյանը և հավելեց, որ ցասումը դեռ մինչև վերջ չի մտել հայ ժողովրդի մեջ, և ներկա գործընթացները տանում են հենց դրան: ՀՀԿ և ԲՀԿ խնդրին անդրադառնալով՝ Արամ Կարապետյանը նշեց, որ այստեղ որևէ քաղաքական, առավել ևս՝ գաղափարական պայքար չկա.
«ՀՀԿ և ԲՀԿ խնդիրը պայքար է զուտ տնտեսական միջոցների վերաբաժանման համար` ավելի շատ պատգամավորական տեղեր, հետևաբար՝ ավելի շատ տնտեսական ռեսուրսներ»:
Արամ Կարապետյանն ասաց, որ իր տեղեկություններով «Վիկիլիքսն» ունի Հայաստանի բանկային հաշիվների հետ կապված տվյալներ և դրանք շուտով հրապարակվելու են. «Վիկիլիքսի» հայկական դոսիեն բացված է, և ամեն ինչ տանելու է դեպի հոկտեմբերի 27-ի դեպքերը»:
