«Սարդարապատ» շարժման նախաձեռնող խմբի անդամ Ժիրայր Սեֆիլյանը, տարիների ընթացքում արցախյան խնդրի շուրջ ընթացող քաղաքական գործընթացներին հետեւելով, հանգել է այն եզրակացության, որ Մինսկի խմբի համանախագահների նպատակն այն չէ, որ պետք է հնարավորինս շուտ լուծել Ղարաբաղյան խնդիրը, այլ օգտագործել այն` իրենց երկրների շահերը սպասարկելու տարածաշրջանում: «Իմ համոզմամբ, տարածաշրջանային քաղաքական գործընթացների ելակետը գերտերությունների մրցակցությունն է Այսրկովկասին տիրանալու նպատակի շուրջ, եւ այս համատաքստում ՀՀ-ի դերակատարությունը վճռորոշ է դարձել: Իսկ Աստրախանի եռակողմ հանդիպումում Ռուսաստանը մի անգամ եւս հասկացրեց մրցակիցներին, որ նա վճռական է տրամադրված Այսրկովկասում զիջումներ չկատարելու իր որոշմանը: Մեծ հաշվով, մոտակա ժամանակներում խնդրի ամբողջական քաղաքական լուծման ակնկալիքներ ես չունեմ»:
Դեկտեմբերի 1-2-ը Աստանայում կայանալիք ԵԱՀԿ գագաթնաժողովից եւս Ժիրայր Սեֆիլյանը ակնկալիքներ չունի. «Ինչ էլ ստորագրվի, լինելու է մակերեսային, դեկլարատիվ բնույթի եւ ոչ խորքային»:
