Իտալիայի հակամենաշնորհային մարմինները Apple-ին մեղադրել են գաջեթների ոչ ճիշտ երաշխիքային սպասարկման մեջ և սպառնացել ժամանակավորապես արգելել ընկերության գործունեությունը երկրում, սպառնացել են տուգանել: Այս մասին հաղորդում է Взгляд-ը:
Իտալիայի օրենսդրության համաձայն՝ էլեկտրոնիկա գնողը երկու տարվա անվճար երաշխիքային սպասարկման իրավունք ունի, սակայն Apple-ն իր արտադրանքն իտալացի սպառողներին է վաճառել իր ստանդարտ երաշխիքային ժամկետով՝ 1 տարով: Ընկերությունն առաջարկել է ավելի երկար երաշխիքային սպասարկմամբ հետաքրքրվողներին գնել լրացուցիչ երաշխիքային սերտիֆիկատ՝ AppleCare Protection Plan:
Այսպիսով՝ վճարովի ծառայության ժամկետում ներառված է օրենքով պաշտպանվող անվճար սպասարկման ժամանակը: Իտալիայի շուկայական մրցակցության պաշտպանության վարչությունը անցած տարվա դեկտեմբերին Apple-ին պարտավորեցրել էր 400 հազար եվրո վճարել գնորդների պարտադիր անվճար սպասարկման ժամկետների մասին ապատեղեկատվության և ևս 500 հազար՝ եվրո AppleCare Protection Plan ծառայության մասին լիարժեք ինֆորմացիայի բացակայության համար:
Տուգանքից բացի՝ ամերիկյան ըներությանը պարտավորեցրել էին իր օպերացիան համապատասխանեցնել երկրի օրենքներին, սակայն Apple-ը հրաժարվել էր կատարել պահանջներն ու դրանք բողոքարկել, սակայն դատարանը կանգնել էր իտալացի կարգավորող մարմնի կողքին:
