Nissan ավտոարտադրողը խոշոր բրիտանական Goodwood Festival of Speed ավտոփառատոնի այցելուներին առաջարկում է զգալ իրենց ինչպես Juke մոդելի գովազդային հոլովակի մասնակիցը: Դա հնարավոր է դարձել եռաչափ տեխնոլոգիաների շնորհիվ:
Հոլովակի սյուժեի համաձայն՝ տղամարդը ցատկում է ինքնաթիռից՝ իր ավտոմոբիլային նստարանին նստած, որին ինքը ամրացված է: Հոլովակի ընթացքում նստարանի շուրջը հավաքվում է ամբողջ ավտոմեքենան: Այդ հարցում վարորդին օգնում են պարաշյուտիստները:
Որպեսզի այցելուներն իրենց զգան հոլովակի մասնակցի դերում, նրանք պետք է փորի վրա պառկեն հատուկ շարժվող սարքի վրա: Այնուհետև մարդը սկսում է իրեն զգալ վիրտուալ իրականության մեջ: Թռչում է 6,5 կմ բարձրությունից և պետք է հավաքի Nissan Juke-ը՝ փորձելով վերցնել հնարավորինս շատ դետալներ: Թռիչքն իրականին մոտ դարձնելու համար կիրառվում են հատուկ ձայնային էֆեկտներ:
Գովազդատուները հազվադեպ են դիմում նման ծառայության, քանի որ դրա ստեղծումը շատ ծախսատար է:
