Ինչպես գրում է Vedomosti-ն, 2010 թ. տվյալներով, Ռուսաստանի ամենահարուստ մարդկանց եռյակից դուրս է մնացել Ռոման Աբրամովիչը, որը ժամանակին գլխավորում էր այդ ցուցակը:
Ըստ թերթի` «Ֆինանս» ամսագիրը փետրվարի 14-ին հրապարակելու է Ռուսաստանի ամենահարուստ մարդկանց ցուցակը, սակայն Vedomosti թերթին հայտնի են դարձել որոշ մանրամասներ: Ըստ թերթի` Forbes ամսագիրն անցած տարվա տվյալներով արդեն իսկ Աբրամովինչի անունը հրապարակել է չորրրոդ հորիզոնականում` գնահատելով նրա ունեցվածքը 11.2 մլրդ դոլար:
Ընդհանուր առմամբ, 2010 թ. Ռուսաստանում կար 114 մարդ, որոնց կարողությունը գերազանցում էր 1 միլիարդ դոլարը: 2008 թ. դրանց թիվը 101 էր, 2009 թ.` 49-ը, իսկ 2010 թ.` 77: Նաև հայտնի է, որ միլիարդատերերի ընդհանուր կարողությունն անցած տարի աճել է մեկ երրորդով:
Առաջին տասնյակում տեղ զբաղեցրած միլիարդատերերի ընդհանուր կարողությունը գնահատվում է 182 մլրդ` անցած տարվա 139 մլրդի դիմաց: