Վենեսուելայի նախագահ Ուգո Չավեսը հայտարարել է, որ անհրաժեշտություն չի տեսնում հետագայում ևս շարունակել բուժումը քաղցկեղի դեմ, քանի որ իրեն լավ է զգում:
«Ես արդեն արել եմ այն, ինչ պետք էր: Տվյալ պահին` նոր հորիզոնում, ես տեսնում են միայն ճակատամարտ ու հաղթանակ»,- հայտարարել է Չավեսը, որի խոսքերը մեջբերում են ինտերնետ-ԶԼՄ-ները:
Հիշեցնենք, որ հունիսի 10-ին հաղորդվում էր, որ Չավեսը գոհ է բժշկական հետազոտության արդյունքներից:
«Ես ինձ շատ լավ եմ զգում»,- վստահեցրել էր Ուգո Չավեսը:
Վենեսուելացի առաջնորդը մեկ անգամ ևս վստահություն էր հայտնել մասնակցելու հոկտեմբերի 7-ին կայանալիք նախագահական ընտրություններին:
