Օդանավի սրահում փոքրիկ երեխաները բազմաթիվ անհարմարություններ են պատճառում ոչ միայն իրենց ծնողներին, այլև մյուս ուղևորներին: Ամերիկուհի Ջուլիա Մելնիկը գործարկել է արտասովոր կայք
«դայակն ամպերում» (Nanny in the Clouds), որը թույլ է տալիս ցանկացածին գտնել օգնական՝ թռիչքի ընթացքում երեխաներին զբաղեցնելու համար:
Նման ծառայություն ստեղծելու գաղափարը Ջուլիայի մոտ առաջացել է Կալիֆոռնիայից Ֆլորիդա 5 ժամ տևած թռիչքից հետո, որի ժամանակ նրա 2 տարեկան որդին բղավելով ու ծիծաղով վազել է այս ու այն կողմ:
Թռիչքի համար դայակ վարձելը շատ թանկ հաճույք է, քանի որ, բացի նրան վճարելուց, պետք է նաև հոգալ նրա տոմսի համար: Այս մասին հայտնում է Travel պորտալը:
Որպես դայակ՝ կայքում կարող են գրանցվել բոլոր ցանկացողները: Նրանցից բարձրագույն կրթություն չի պահանջվում, պարզապես նա պետք է ունենա երեխաների հետ շփվելու հմտություններ և նախորդ գործատուներից հավաստագիր ներկայացնի:
Հոգեբանները խորհուրդ են տալիս ապագա դայակին Skype-ով ցույց տալ երեխային, որպեսզի օդանավում նա չլացի օտար մարդու ձեռքում: Կարելի է նաև դայակին նախապես տուն հրավիրել, որպեսզի նա երեխայի հետ շփվի: Շատերը դայակին հանդիպում են հենց տերմինալի մուտքի մոտ:
Երկարաժամ թռիչքից բացի, դայակին օդանավակայանում մի շարք տհաճություններ են սպասվում՝ գրանցում, անձնագրային հսկողություն, սպասասրահ, որտեղ նույնպես պետք է հետևել երեխային, կերակրել ու հանգստացնել նրան:
