Սուդանի ոստիկանությունը հրամայել է անհապաղ և կոշտ միջոցներով կանխել բոլոր տեսակի հակակառավարական ելույթները, որոնք ներառել են Խարտումայի մի շարք շրջաններ:
Ներկայումս ոստիկանները արցունքաբեր գազ են կիրառում ցուցարարներին ցրելու համար, որոնք ռեժիմի տապալում են պահանջում:
Բացի դրանից` անվտանգության ծառայության աշխատակիցները սկսել են ստուգումներ անցկացնել տներում, որտեղ ապրում են ընդդիմության կողմնակիցները: Ընդդիմության տվյալներով` արդեն ձերբակալված է մոտ 20 մարդ:
Հիշեցնենք, որ հունիսի 20-ին Սուդանի մայրաքաղաք Խարտումում սկսվել են մասսայական հակակառավարական ելույթներ «Ժողովուրդը պահանջում է ռեժիմի տապալում» վանկարկումներով: Ցույցը սկսվել է այն բանից հետո, երբ երկրի կառավարությունը կրճատել էր բյուջետային ծախսերը, ինչը բերել էր կտրուկ գնաճի և վատացրել երկրի աղքատների վիճակը:
Ցույցերի առաջին շարժիչ ուժը ուսանողներն են, քանի որ հենց նրանք են կախված կառավարության կողմից վճարվող կրթաթոշակներից և սոցիալական նպաստներից:
