McDonald’s ընկերությունը հոլովակ է նկարահանել այն մասին, թե ինչու է գովազդվող համբուրգերների տեսքը տարբերվում այն համբուրգերներից, որոնք վաճառվում են ռեստորաններից ցանցում։ Այս մասին հայտնում է The Huffington Post-ը։ Հոլովակը պատրասխան է դարձել այն հարցին, որը ուղղել է ռեստորանի հաճախորդներից մեկը ընկերության կայքի համպատասխան բաժնում։
Հոլովակի հաղորդավարը դարձել է Կանադայում McDonald’s-ի մարկետինգային բաժնի ղեկավար Հոուպ Բագոցցին։ Կինը ռեստորանից գնել է համբուրգերն ու քայլերն ուղղել նկարահանման հրապարակ, որպեսզի այն համեմատի գովազդող համբուրգերի հետ։ Գովազդային համբուրգերի ստեղծման վրա աշխատում է մի ողջ թիմ, այդ թվում՝ սննդի դիզայներ։Համբուրգերի յուրաքանչյուր բաղադրիչը դրվել է այնպես, որ լուսանկարում տեսանելի լինի։ Նկարահանումից հետո պատկերը համակարգչային մշակման է ենթարկվել։ Արդյունքում այն ավելի մեծ է ստացվել, քան ռեստորանում վաճառվողը։ Բագոցցին վստահեցնում է, որ գովազդվող պատկերում երևացող բոլոր բաղադրիչներն առկա են ռեստորանային համբուրգերում։
