Ռուսաստանի նախագահ Վլադիմիր Պուտինը հանդիպել է ԱՄՆ նախկին պետքարտուղար Հենրի Քիսինջերի հետ: Հանդիպման ժամանակ քննարկվել են ռուս-ամերիկյան հարաբերություններին վերաբերող մի շարք հարցեր։
Մասնավորապես, Պուտինը G20-ի վեհաժողովի շրջանակներում նախագահ Բարաք Օբամայի հետ հանդիպումն անվանել է «լավ և արդյունավետ» և շնորհակալություն է հայտնել Քիսինջերին Ռուսաստանի հանդեպ ունեցած հետաքրքրության համար:
«Շատ հաճելի է, որ Դուք չեք մոռանում Ռուսաստանին, անընդհատ մասնակցում եք երկխոսություններին: Իհարկե, ռուս հանրության համար հետաքրքիր է ձեր կարծիքը ռուս-ամերիկյան հարաբերությունների զարգացման վերաբերյալ»,- ասել է Պուտինը:
Իր հերթին Քիսինջերը հայտարարել է, որ մեծ հարգանքով է վերաբերվում այն ամենին, ինչ Պուտինն արել է Ռուսաստանի համար, և այն ամենին, ինչ նա անում է Ռուսաստանի և ԱՄՆ-ի միջև հարաբերությունները կարգավորելու համար: