2011 թ. փետրվարի 8-ի առավոտյան ժամը 5-ի սահմաններում դժբախտ պատահար է գրանցվել Դինո Գոլդ Մայնինգ «Քամփնիի» Շահումյանի անվան ստորգետնյա հանքում: Ընկերության աշխատակից, 1977 թ. ծնված Արմեն Եղիազարյանը մահացել է աշխատանքի պահին: Ընկերության արագ արձագանքման ջոկատի կողմից նա տեղափոխվել է Կապանի բժշկական կենտրոն:
«Հանքի այն հատվածը, որում տեղի է ունեցել պատահարը, այժմ մեկուսացվել է և գտնվում է Ընկերության արագ արձագանքման ջոկատի հսկողության տակ: Դեպքի մասին զեկուցվել է Հայաստանի տեխնիկական անվտանգության ազգային կենտրոնին, որի ներկայացուցիչների կողմից կիրականացվի դեպքի ամբողջական քննություն»,-ասված է «Առաջին լրատվական»-ին ուղարկված մամուլի պաշտոնական հաղորդագրությունում:
Դեպքի բոլոր մանրամասները կտրամադրվի պաշտոնական քննության ավարտից հետո: Ընկերության տնօրինությունը «կիսում է մահացածի ընտանիքի և ընկերների վիշտը ու ցավակցություն հայտնում նրանց և հանքի բոլոր աշխատողներին»։
