Sharp ընկերությունը ներկայացրել է լուսադիոդային, 90 դյույմ անկյունագծով Aquos հեռուստացույցը, որը հանդիսանում է այդ տեսակի հեռուստացույցների շարքում աշխարհում ամենամեծը: Այս մասին հաղորդում է PCMag.com-ը: Հեռուստացույցը պատկերը ցուցադրում է 1080 պիքսել խտությամբ: Հեռուստացույցի հետ միասին տրամադրվում են երկու զույգ 3D ակնոցներ:
Հեռուստացույցն ունի Wi-Fi մոդուլ: Սարքի հիշողությունում ներառված են մի քանի հավելվածներ (բրաուզեր, Skype և YouTube), որոնք ապահովում են հեռուստացույցի աշխատանքը համացանցում:
Հեռուստացույցի հաստությունը կազմում է 12,7 սմ, ունի 64 կգ քաշ: Սարքի հետևի պանելին կա 4 HDMI և 2 USB բնիկ:
Հեռուստացույցն արժի 10.999 ԱՄՆ դոլար: Հսկա հեռուստացույցից բացի, ընկերությունը արտադրում է LED հեռուստացույցներ՝ 60, 70 և 80 դյույմանոց էկրաններով: