Չնայած «Հրւսպարակ»-ի լուրից հետո «Կենտրոն» հեռուստաընկերության տնօրեն Սերգեյ Ադումյանը կոշտ հերքում տարածեց (իհարկե, թերթի խմբագիրը համարժեք պատասխան տվեց), այնուամենայնիվ, «ժողովուրդ»-ի աղբյուրները ևս պնդում են, որ Ադումյանի ազատման հարցը դրված է:
«Բանն այն է, որ հեռուստաընկերություն է գնացել ԲՀԿ առաջնորդ Գագիկ Ծառուկյանի անձնական աուդիտորական խումբը, և էական բացահայտումներ են կատարվել: Բնականաբար, Ադումյանի անունը առնչվում է թեմային: Մեր աղբյուրները նշում են, որ Ծառուկյանն անգամ Ադումյանին ասել է, թե լուրջ չարաշահումների բացահայտման դեպքում նրան կհեռացնի հեռուստաընկերության տնօրինությունից:
Նշվում է նաև, որ Գագիկ Ծառուկյանը, ինչպես իր խոսնակ Խաչիկ Գալստյանին, Ադումյանին ևս կասկածում է նախագահական նստավայրի հետ «խաղեր տալու» մեջ: Սակայն «Կենտրոն» հ/ը տնօրեն Սերգեյ Ադյսմյանը հերքեց լուրերը. «Ես արդեն ասել եմ, որ մնում եմ տնօրեն, մենք ստուգող չենք ունեցել, ի՞նչ բացահայտումների մասին է խոսքը, նման խոսակցություն անգամ չի եղել»,- հավելում է «Ժողովուրդ»-ը:
