Սիրիայում դիտորդների միջազգային առաքելության ղեկավար Ռոբերտ Մուդը պահանջել է, որպեսզի հակամարտող կողմերը Հոմսի և զինված բախումների այլ շրջաններից կանանց, ծերերին, ինչպես նաև հիվանդներին դուրս բերելու հնարավորություն ստեղծեն ։ Այս մասին հաղորդում է BBC-ն։
Գեներալ Մուդն ասել է, որ կառավարական ուժերը, ապստամբները չեն ցանկանում դադարեցնել կրակը՝ տարհանումն իրականացնելու համար, հատկապես ՝ Հոմսում։ Նա հատկապես շեշտել է, որ ՄԱԿ-ին չի հաջողվում իրականացնել դա։ Ավելի վաղ ընդդիմության ներկայացուցիչներն ասել են, որ շրջափակման մեջ գտնվող Հոմսի բնակչությունը չունի կենսապահովման տարրական միջոցներ, և որ տարհանման է ենթակա ավելի քան 7 հազար ընտանիք։
