Բջջային հեռախոսներ արտադրող Nokia ֆիննական ընկերության վարկային վարկանիշն այսօր Moody’s գործակալության կողմից իջեցվել է Ва1 մակարդակի: Այսպիսով, նրա պարտատոմսերը գտնվում են «junk bonds» կատեգորիայում: Ինչպես գրում է Itarr-Tass-ն, այս մասին հաղորդագրությունը տարածվել է համաշխարհային ֆինանսական շուկաներում:
Միաժամանակ, Nokia-ի վարկային հեռանկարը գործակալությունը գնահատել է «բացասական», ինչը չի բացառում վարկային վարկանիշի հետագա իջեցումը:
Վարկանիշի իջեցումը տեղի է ունեցել Nokia-ի ղեկավարության կողմից մինչև 2013 թվականը ծրագրի աննախադեպ կրճատման (10 հազար աշխատատեղ) մասին հայտարարությունից մեկ օր անց:
«Nokia-ի կողմից իրականացվող բիզնեսի վերակազմավորման ծրագիրը ներառում է ընկերության ենթակառույցների զգալի կրճատում»,- ընդգծվում է Moody’s-ի մասնագետների այսօրվա մեկնաբանության մեջ:
Իրենց հերթին անկախ վերլուծաբանները նշում են, որ ընկերության ղեկավարների մի շարք սխալ որոշումները վերջին տարիներին հանգեցրեցին բջջային հեռախոսների համաշխարհային շուկայում Nokia-ի առաջատար դիրքերը զիջելուն:
