Google, Facebook, Twitter, AOL ու iab ինտերնետ-ընկերությունները մտել են Ads Integrity Alliance գործընկերային միության մեջ, որը նպատակ ունի պայքարել վնասակար ու ոչ ճշգրիտ գովազդի դեմ: Այս մասին հայտնում է The Verge-ն: Միությունը ստեղծվել է Stopbadwary ոչ կոմերցիոն կազմակերպության կողմից, որը պայքարում է վնասակար ծրագրերի դեմ:
Ads Integrity Alliance-ը ծրագրում է ստեղծել ու զարգացնել կայքերի, փրովայդերների ու ծրագրային ապահովման մասնագետների համար խորհրդատվություններ:
Դաշիքնի անդամները փոխանակելու են նաև տեղեկություններ ու լուրեր ինտերնետ-սեգմենտի, ինչպես նաև ինտերնետ-մարքեթինգի ու գովազդի օրենսդրական փոփոխությունների վերաբերյալ:
Դաշինքի հիմնական նպատակը, սակայն, լինելու է այն գովազդի տեղադրման կանխարգելումը, որը պարունակում է վնասակար կոդեր, ինտերնետ օգտատերերին ներգրավում է խաբեությունների մեջ կամ առաջարկում է գնել կեղծ ապրանքներ:
Google-ի գլոբալ հանրային քաղաքականության մենեջեր Էրիկ Դևիսի խոսքերով՝ նման դաշինքին աջակցումն անհրաժեշտ է՝ ինտերնետ-շուկայի արագ աճի ու դրա հնարավորությունների պատճառով:
Google-ը հաճախ է դառնում նման անբարեխիղճ գովազդի զոհը, որը տեղակայվում է նրա AdWords սերվերի օգնությամբ: Օրինակ՝ 2011 թ. ընկերությունը ստիպված էր 500 մլն դոլար վճարել դեղատների ցանցի ոչ ճշգրիտ գովազդի համար:
