1968թ. այս օրը Բոստոնում վախճանվեց հրապարակագիր, Հայաստանի առաջին հանրապետության արդարադատության (դատական) նախարար, հայ հասարակական-քաղաքական գործիչ, իրավաբան, ՀՅԴ անդամ Ռուբեն Դարբինյանը (Արտաշես Չիլինկարյան):
Ծնվել է 1883 թ. Ախլքալաքում: 1917թ. նշանակվել է Բաքվի Հայոց ազգային խորհրդի քարտուղար:
Հայաստանի Հանրապետության շրջանում նշանակվել է դատական նախարար: Հայաստանի խորհրդայնացումից հետո 19 ընկերների հետ փորձում է անցնել Թիֆլիս, բայց ճանապարհին` Ղարաքիլիսայի մոտ, ձերբակալվում է և բանտարկվում Երևանի բանտում:
Փետրվարյան ապստամբության շնորհիվ ազատվում է բանտից, կուսակցության ու Հայրենիքի փրկության կոմիտե կողմից նշանակվում «Ազատ Հայաստան» թերթի խմբագիր:
Եղել է «Հայրենիք» օրաթերթի բազմամյա խմբագիրը և նույնանուն ամսագրի հիմնադիրը:
