ՉԺՀ-ի հյուսիսարևմտյան «Ցզյուցյուան» տիեզերակայանից հունիսի 16-ին նախատեսվում է ուղեծիր բաց թողնել «Շենչժու-9» տիեզերանավը` 3 տիեզերագնացներով: Այս մասին RIA Novosti գործակալությանը հայտնել է Տիեզերական թռիչքների կենտրոնին մոտ կանգնած աղբյուրը:
Առաջին անգամ չինացի տիեզերագնացների կազմում կին կլինի: Առայժմ հայտնի է երկու անուն`Լյու Յան ու Վան Յապին, սակայն ինչպես այսօր գրում են չինական ԶԼՄ-ները, ամենայն հավանականությամբ, «չինացի Տերեշկովա» կդառնա Լյու Յանը:
Հունիսի 9-ին թե՛ հիմնական, թե՛ պահեստային անձնակազմի անդամները (երկու տղամարդ ու մեկ կին) հատուկ չվերթով Պեկինից ժամանել են Թռիչքների կենտրոն:
Այսօր` հունիս 12-ին, տեղի կունենա տիեզերանավի բոլոր համակարգերի գլխավոր ստուգումը:
Ենթադրվում է, որ երկու անձնակազմի անդամներն էլ ամբողջ օրը կանցկացնեն տիեզերանավում` թեսթավորելով բոլոր սարքերը:
«Շենչժոու-9»-ը տիեզերանավի անձնակազմի անդամներին կհասցնի «Տյանգուն-1» ուղեծրային տիեզերական մոդուլին, որտեղ որոշ ժամանակ կանգ կառնեն գիտական փորձարկումներ կատարելու նպատակով:
Սպասվում է, որ չինացի տիեզերագնացները ուղեծրում կմնան 13 օր:
