Թուրքական Vatan թերթի փոխանցմամբ՝ «Կոնսենսուս» հետազոտական կենտրոնը հարցախույզ է անցկացրել բնակչության շրջանում՝ պարզելու համար հղիության արհեստական ընդհատումն արգելելու վերաբերյալ նրա տրամադրվածությունը: Հիշեցնենք, որ հղիության արհեստական ընդհատումն արգելելու նախաձեռնությունը պատկանում է վարչապետ Ռեջեփ Էրդողանին:
Հարցախույզի մասնակիցների 55.5 տոկոսը դեմ է արտահայտվել հղիության արհեստական ընդհատման արգելքի սահմանմանը, իսկ 44.5 տոկոսը կողմ է այդպիսի արգելքի ներդրմանը: Հարցախույզի մասնակիցներից արգելքի ներդրմանը կողմնակիցների 46 տոկոսը կազմել են կանայք, իսկ 44 տոկոսը՝ տղամարդիկ:
Հարցախույզի մասնակիցները պատասխանել են նաև Թուրքիայի համար առկա կարևոր խնդիրների շուրջ հարցին: Առաջին տեղում հայտնվել է գործազրկությունը, երկրորդ տեղում՝ ահաբեկչությունը, իսկ երրորդ տեղում՝ ինֆլյացիան: Հղիության արհեստական ընդհատման խնդիրը նույնպես ընդգրկվել է թուրք հասարակության կարևոր խնդիրների թվում: