Ռուսաստանը Հայաստանի արտակարգ իրավիճակների նախարարությանը խոստացել է նվիրել 8 ուղղաթիռ, որը մի քանի միլիոն արժե։ Լրագրողների այն հարցին, թե ինչու է նվերը ուշանում, Արտակարգ իրավիճակների նախարար, ՕԵԿ-ական Ներսես Երիցյանը կատակեց, որ թանկ նվերը թանկացնում են։ Սակայն խոստացավ, որ նվերը ստանալուց հետո լրագրողների հետ միասին կփորձարկեն ուղղաթիռները։
Նախարարը նշեց նաև, որ ճապոնացի գործընկերները Հայաստանին են տրամադրել 2010 թ. 28 հրշեջ մեքենա և խոստացել, որ այս տարի ևս հրշեջ մեքենաներ կտրամադրեն, որոնք կուղղորդվեն մարզեր։