Լեգենդար Guns N’ Roses ռոք խմբի առաջնորդ Էքսլ Ռոուզի դիմահարդարման սենյակից անհայտ անձը գողացել է երգչին պատկանող, 200 հազար դոլար ընդհանուր արժողությամբ զարդեր: Այս մասին հայտնում է France-Press-ը՝ հղում անելով ոստիկանությանը:
Դեպքը տեղի է ունեցել երեկ՝ երեկոյան, երբ խումբը համերգով հանդես էր գալիս Փարիզի Բերսի սպորտի պալատում:Դիմահարդարման սրահից անհետացել են 3 ոսկե վզնոց՝ ադամանդներով:
Գողության փաստով ոստիկանությունը հետաքննություն է սկսել:
1985 թվականի մարտին հիմնադրված ամերիկյան խումբը ռոք խմբերի թվում ամենահաջողակն է: Guns N’ Roses –ի ալբոմների վաճառքի ընդհանուր թիվը կազմում է 100 միլիոն: Անցած տարի խումբն ընդգրկվել է ռոքնռոլի փառքի սրահում: