«Ինձ համար շատ հետաքրքիր են ՀՀԿ ու ԲՀԿ հարաբերությունները»,- Հայաստանի ներքին քաղաքական կյանքի մասին խոսքում ասաց քաղաքագետ Ալեքսանդր Իսկանդարյանը:
«Հայաստանում չկա մի ընդդիմություն, կան մի քանի ընդդիմություններ: Չկա մի իշխանություն, այլ` մի քանիսը, որոնց ներսում միշտ մրցակցություն է գնում` ավելի ուժեղ տնտեսական դիրքի, շատ նախարարական պաշտոնների, ուժի ու վերահսկողության համար: Մրցակցություն կա նաև հենց ՀՀԿ-ի ներսում»,- կարծիք հայտնեց Ալեքսանդր Իսկանդարյանը:
Բանախոսի կարծիքով, այս մրցակցությունը ավելի բացահայտ է դարձել հիմա, որովհետև շուտով տեղի են ունենալու խորհրդարանական ընտրություններ: Ըստ Իսկանդարյանի` ԲՀԿ-ն արդեն մի քանի անգամ փոխվել է ` իր ստեղծման օրվանից ի վեր: Սպասվող խորհրդարանական ընտրությունները հերթական առիթն են` ԲՀԿ-ում փոփոխությունների համար:
«Մեզ մոտ քաղաքականությունը էլիտար է. որոշվում է մոտ 100 աշխատասենյակներում:
Անդրադառնալով ԵԽԽՎ Ղարաբաղյան հարցով ենթահանձնաժողովին` «Կովկաս» ինստիտուտի ղեկավարը հարկ համարեց հիշեցնել, որ ենթահանձնաժողովը նոր չի ստեղծվել, այլ 2005թ.-ին, ուղղակի ժամանակավորապես չէր գործել, քանի որ նախագահ չէր ընտրվում:
«Այս ենթահանձնաժողովը նոր հարթակ է ադրբեջանական լոբբիստական գործունեություն տանելու համար»,- ասաց քաղաքագետը: Իսկանդարյանի համոզմամբ, ենթաձնաժողովը արդյունավետ գործունեություն չի ծավալի ու երբեք չի կարող փոխարինել Մինսկի խմբին, որն է կարևորագույն միջազգյանի միջնորդը ԼՂ հարցում: