Ռեժիսոր Դենի Բոյլի «Trainspotting» ֆիլմը ճանաչվել է վերջին 60 տարվա ամենալավ բրիտանական ֆիլմը: Այս մասին գրում է The Times-ը: Ֆիլմը, որը էկրան է բարձրացել 1996 թվականին, գլխավորել է Մեծ Բրիտանիայի լավագույն ֆիլմերի վարկանշային աղյուսակը, որը կազմվել է երկրի 24 հազար բնակիչների քվեարկության արդյունքում:
«Ասեղի վրա» ֆիլմը Իրվին Ուելշի համանուն վեպի էկրանավորումն է, որը պատմում է թմրամոլ Մարկ Ռենթոնի և նրա ընկերոջ մասին: Թմրամոլին մարմնավորել է Յուեն Մաքգրեգորը: Ֆիլմը և գիրքը ստացել են պաշտամունքային կարգավիճակ թե՛ հայրենիքում, թե՛ արտերկրում:
Ֆիլմի սցենարիստ Ջոշ Հոջը լավագույն սցենարի համար ստացել է բրիտանական կինո և հեռուստատեսային արվեստի ակադեմիայի մրցանակը:
Վարկանշային տասնյակում են ընդգրկվել նաև «Մոնտի Փրայտոնն ու սուրբ Գրաալը», «Հարրի Փոթերն ու մահվան պարգևները.ՄԱՍ 2», «Գործարանային նարինջը», «Թալան՝ իտալական ձևով», «Շոն անունով զոմբին», և «Թագավորը խոսում է» ֆիլմերը:
Վարկանշային աղյուսակը կազմվել է HMV ընկերության նախաձեռնությամբ: Այն նվիրված է թագուհու գահակալության 60-ամյա հոբելյանին: