ԱՄՆ ազգային անվտանգության ինստիտուտի ներկայացուցչները նշել են, որ Իրանը էականորեն ակտիվացրել է քիչ հարստացված ուրանի արտադրությունը, և ստեղծված վառելիքի ընդհանուր ծավալը բավարար է առնվազն հինգ միջուկային ռումբ ստեղծելու համար:
NEWSru.co.il-ի ներկայացմամբ` գիտնականները նման եզրահանգման են եկել` ուսումնասիրելով ԱԷՄԳ-ի (ՄԱԳԱՏԷ) հաշվետվությունը, որը հրապարակվել է նախօրեին:
Նշենք, որ փաստաթղթի համաձայն` Իրանն առաջ է շարժվում ուրանի հարստացման աշխատանքներում: Հաշվետվության մեջ նշվում է, որ Թեհրանին հաջողվել է ստեղծել մինչև 3.5% հարստացված մոտ 6.2 տոննա ուրան: Այսպիսով, Իրանը արտադրության ծավալը մեծացրել է մոտ 30%-ով: Փորձագետների կարծիքով` քիչ հարստացված ուրանի նման քանակությունը հետագա հարստացման դեպքում բավարար է հինգ միջուկային ռումբ ստեղծելու համար: