ԱՄՆ ոստիկանությունը հայտարարել է, որ ձերբակալվել է դեռ 1979 թ. իրականացրած առևանգման մեջ կասկածվող անձը: Reuters-ի հաղորդմամբ՝ առևանգվածի մարմինը, որն այդ ժամանակ 6 տարեկան էր, մինչ այժմ հայտնաբերված չէ:
Կասկածյալի անունը Պեդրո Էրնանդես է, նա ձերբակալվել է Նյու Ջերսիում: Ոստիկանությունը խոստացել է, մոտ ժամանակներում բացահայտել հետաքննության մանրամասները:
Իթան Պացն անհետացել է 1979 թ. մայիսի 25-ին դպրոց գնալուց հետո: Առաջին տարիներին կասկածյալ էր համարվում նրա դայակի ընկերը՝ Խոսե Անտոնիո Ռամոսը, սակայն հետո կասկածները նրա վրայից հանվեցին: Պացը պաշտոնապես մահացած է հայտարարվել 2001թ., սակայն շուրջ 9 տարի անց Մանհեթենի դատախազությունն առևանգման գործը վերաբացել է:
2012 թ. ապրիլին ծառայողական շունը մարդու աճյունի հոտ է զգացել Սոխո շրջանի այն տան մոտ, որի հարևանությամբ ապրում էր Պացն իր ծնողների հետ: Շենքի նկուղում գտնվում էր Օթնիլ Միլլերի աշխատասենյակը, որին երեխան փողի դիմաց օգնում էր տնտեսության հարցերով: Ոատիկանները մտել են նկուղ, սակայն այնտեղ ոչինչ բան չեն գտել: Անհետացած երեխայի մարմինը փնտրելու աշխատանքները շարունակվում են:
Հենց Իթան Պացի շնորհիվ 80–ական թթ. ԱՄՆ-ում կազմակերպվեց լայնածավալ արշավ՝ կորած երեխաներին փնտրելու համար: Դրանից հետո նրանց լուսանկարները տպվում են կաթի փաթեթների վրա, իսկ ԱՄՆ նախագահ Ռոնալդ Ռեյգանը 1983 թ. մայիսի 25-ը հայտարարեց Անհետացած երեխաների ազգային օր: