Վլադիվոստոկում կայանալիք Ասիախաղաղօվկիանոսյան տարածաշրջանային (ԱԽՏ) տնտեսական համագործակցության գագաթնաժողովին ԱՄՆ-ն կներկայացնի պետքարտուղար Հիլարի Քլինթոնը: Ինչպես հայտնում է RIA Novosti-ն, մայիսի 23-ին նման հայտարարությամբ է հանդես եկել Բեն Ռոդսը` ազգային անվտանգության հարցերով ԱՄՆ նախագահի խորհրդականի տեղակալը:
Ավելի վաղ հայտարարվել էր, որ ԱՄՆ նախագահ Բարաք Օբաման ներկա չի գտնվի 2012 թ. սեպտեմբերի 2-9-ը կայանալիք ԱԽՏ տնտեսական համագործակցության գագաթնաժողովին:
Ենթարդրություններ էին հնչում, թե Օբամայի` գագաթնաժողովին ներկա չգտնվելու պատճառը ՌԴ նախագահ Վլադիրմիր Պուտինի` մայիսի 18-19-ը Քեմփ Դևիդում կայացած «մեծ ութնյակի» հանդիպմանը չմասնակցելն է:
G8-ում Ռուսաստանը ներկայացրել էր ՌԴ վարչապետ Դմիտրի Մեդվեդևը:
Ամերիկյան կողմը, սակայն, պնդում է, որ Ռուսաստան չմեկնելու նախագահ Օբամայի որոշումը կայացվել էր ավելի վաղ, քան հայտարարվել էր այն մասին, որ Պուտինը չի մեկնի ԱՄՆ:
Գագաթնաժողովը կլինի Ասիախաղաղօվկիանոսյան տարածաշրջանային տնտեսական համագործակցության երկրների ղեկավարների 24-րդ հանդիպումը: Ավելի վաղ Ռուսաստանում ԱԽՏ տնտեսական համագործակցության գագաթնաժողով երբևէ չի կազմակերպվել: