ԱՄՆ գաղտնի ծառայության տնօրեն Մարկ Սալլիվանը ներողություն է խնդրել իր աշխատակիցների պահվածքի համար, որոնք մտնում են երկրի նախագահ Բարաք Օբամայի թիկնազորի մեջ։ Ինչպես հաղորդում է BBC-ն, խոսքն անցած ամիս երկրի նախագահի Կոլումբիա կատարած այցելության ժամանակ մարմնավաճառների հետ տեղի ունեցած սկանդալի մասին է:
Սալլիվանը նշել է, որ տուգանքի ենթարկված գործակալներից որևէ մեկը որևէ գաղտնի տեղեկություն չի հայտնել և կոլումբիական հյուրանոցի համարում, որտեղ նրանց այցի են եկել ինտիմ ծառայություններ մատուցող աղջիկները, զենք չի կրել:
Կոլումբիական մարմնավաճառների հետ կապված սեքս-սկանդալում, որը տեղի է ունեցել այս տարվա ապրիլին, ներգրավված են գաղտնի ծառայության 12 գործակալ և ԱՄՆ բանակի մի քանի սպա:
