ԱՄՆ նախագահ Ռոնալդ Ռեյգանի 40-ամյա որդին պահանջել է աճուրդից հանել իր հոր արյան հետքերով փորձանոթը: Բացի այդ, ինչպես հաղորդում է Fox News-ը, Մայքլ Ռեյգանը հայտարարել է, որ արյունն իսկական չէ, և վաճառողը պարզապես ցանկանում է նման ձևով գումար վաստակել: «Դա կեղծիք է, և ով էլ որ նա լինի, խաբում է ձեզ»,- հայտարարել է Ռեյգանը:
Աճուրդի անցկացմանը դեմ է հանդես եկել նաև Ռոնալդ Ռեյգանի նախագահական հիմնադրամը: Վերջինիս նախագահ Ջոն Հեյբուշը հայտարարել է, որ բոլոր ջանքերը կգործադրի, որպեսզի աճուրդը չկայանա: Նրա խոսքերով՝ հիմնադրամն արդեն դիմել է այն հիվանդանոցին, որտեղ պահվել է անոթը՝ պարզելու համար՝ ինչպես է այն հայտնվել մասնավոր ձեռքերում:
Հիշեցնենք. երեկ հաղորդվում էր, որ PFC Auctions աճուրդի տանը ներկայացվել է փորձանոթ՝ Ռոնալդ Ռեյգանի արյան հետքերով, որը նա հանձնել էր 1981 թ. իր վրա կատարված մահափորձից հետո: Վաճառողը հայտնել էր, որ իր մայրն աշխատել է այն լաբորատորիայում, որտեղ նախագահի արյունը փորձաքննության է ենթարկվել:
Այս պահին փորձանոթի համար առաջարկվել է 9181 ֆունտ ստերլինգ (14.5 հազար դոլար):