Թուրքական Dünya Bülteni կայքի փոխանցմամբ՝ ՆԱՏՕ-ի ահաբեկչության դեմ պայքարի կատարելության կենտրոնը պատրաստել է «2011 թվականի ահաբեկչական» զեկույցը:
Ըստ այդ զեկույցի՝ 2011 թվականին Թուրքիան ընդգրկվել է ամենաշատ ահաբեկչական հարձակումների ենթարկված երկրների 11-րդ հորիզոնականում: Նախորդ տարի Թուրքիայում ահաբեկչական հարձակումների քանակն աճել է 17 տոկոսով: Ընդհանուր առմամբ, 2011 թվականին Թուրքիայում գրանցվել է 281 ահաբեկչական հարձակում, որոնց հետևանքով զոհվել է 159 և վիրավորվել է 371 մարդ: Այդպիսի ցուցանիշներով Թուրքիան Եվրոպայում զբաղեցրել է 2-րդ տեղը՝ զիջելով միայն Ռուսաստանին:
Ընդհանուր առմամբ, զեկույցում ընդգրկվել է 96 երկիր, որոնցում գրանցվել է 12,122 ահաբեկչական հարձակում: Դրանք ամենաշատը գրանցվել են Իրաքում՝ 2694, ապա գալիս են Պակիստանը՝ 2309, Աֆղանստանը՝ 2009, Հնդկաստանը՝ 1166 և Մեքսիկան՝ 452: Առաջատար տասնյակում են գտնվում նաև Սոմալին, Կոլումբիան, Թաիլանդը, Եվրոպայի առաջատար Ռուսաստանը և Եմենը: