Եվրոպայի խորհրդում Հայ ազգային կոնգրեսի ներկայացուցիչ, քաղաքագետ Արման Գրիգորյանից «Առաջին լրատվականը» հետաքրքրվեց, թե Ղարաբաղի հարցով ենթահանձնաժողովի վերստեղծումից հետո ի՞նչ քայլեր պետք է անի հայկական պատվիրակությունը, որպեսզի կանխի ԼՂ շուրջ անցանկալի զարգացումները:
«Մեր պատվիրակությունը հայտնվել է բավական դժվարին երկընտրանքի առաջ: Մի կողմից պատվիրակությունը կարող է բոյկոտել այդ հանձնաժողովի աշխատանքները, քանի որ դրանց հիմքում 1416 բանաձևն է ընկած, և ցանկալի չի լինի մասնակցությամբ լեգիտիմություն տալ այդ բանաձևին:
Մյուս կողմից` մեծ է հավանականությունը, որ բոյկոտը ոչ միայն կաթվածահար չի անի այդ հանձնաժողովի աշխատանքը, այլ մեր հակառակորդներին պարզապես ազատ գործելու հնարավորություն կտա»,- նշեց Արման Գրիգորյանը: