«Ապրիլի 6» շարժումը նախատեսում է երեքշաբթի օրը Կահիրեի փողոցներ հանել ավելի քան մեկ միլիոն մարդու, որոնք կպահանջեն նախագահ Հոսնի Մուբարաքի հրաժարականը:
Այս մասին հենց նոր տեղեկացրեց Al-Jazeera հեռուստաընկերությունը:
Այսօր առավոտից արդեն Թահրիր հրապարակը սկսել է լցվել Կահիրեի բնակիչներով, որոնք շարունակում են իրենց բողոքի ակցիաները:
Հեռուստաընկերությունը նաև տեղեկացնում է, որ զինվորականները հրապարակի մատույցներում կայանել են զրահամեքենաներ և մուտքերը փակում են փշալարով:
Տեղեկացնենք, որ «Ապրիլի 6» շարժումը ստեղծվել է 2008 թ., երբ եգիպտացիները գործադուլ են կազմակերպել ամբողջ հանրապետությունով մեկ` դրա համար առաջին անգամ կիրառելով սոցիալական ցանցերի և ինտերնետի հնարավորությունը:
