Ինչպես հաղորդում է BBC-ն, Հարավային Սուդանի բնակչության 99%-ը կողմ է քվեարկել այդ տարածաշրջանի անկախությանը:
Պաշտոնական տվյալների համաձայն, 100% քվեաթերթիկների հաշվարկի արդյունքում պարզվել է, որ 99,57%-ը կողմ է քվեարկել այդ որոշմանը:
Հիշեցնենք, որ հանրաքվեն անցկացվել է հունվարի 9-15-ը և պետք է պատասխան տար այն հարցին, թե ինչ որոշում են կայացնում Հարավային Սուդանի բնակչությունը Սուդանից անկախանալու վերաբերյալ:
Անկախության հռչակումը, հավանաբար, կլինի հուլիսի 9-ին:
Մինչ այդ Հարավային Սուդանը կենտրոնական իշխանությունների հետ պետք է համաձայնեցնի սահմանների հարցը, ինչպես նաև քաղաքական, ֆինանսա-տնտեսական բնույթի այլ հարցեր: