«Սարդարապատ» շարժման անդամ, Շուշիի առանձնակի գումարտակի հրամանատար Ժիրայր Սեֆիլյանը «Առաջին լրատվականի» հետ զրույցում նշեց, որ ինքը մասնակցելու է փետրվարի 18-ին Հայ ազգային կոնգրեսի հրավիրած հանրահավաքին:
«Ես` որպես ՀՀ քաղաքացի, լինում եմ այնտեղ, որտեղ մեր ժողովուրդը ակտիվություն է ցուցաբերում»,- ասաց նա:
Միաժամանակ հավելեց, որ ինքը սպասելիքներ չունի հանրահավաքից, քանի որ ՀԱԿ-ը պատրաստվում է ընտրությունների, իսկ ընտրություններով իշխանափոխության հարց չի լուծվում:
«Էական չէ` հերթակա՞ն, թե՞ արտահերթ ընտրությունների են պատրաստվում: Եթե մասնակցեն այդ ընտրություններին, ապա նույն չափով են մեղսակից լինելու, ինչ չափով այս իշխանություններն են մեղսակից»,- ասաց նա: