«Առաջին լրատվական»-ը արդեն տեղեկացրել է, որ ուրբաթօրյա բախումներից հետո Եգիպտոսի նախագահ Հոսնի Մուբարաքը հայտարարեց կառավարության հրաժարականի մասին` դրանով փորձելով ժամանակ շահել երկրում իրավիճակը հանդարտեցնելու համար, սակայն Եգիպտոսի քաղաքացիները բացասաբար էին ընդունել այդ ուղերձը, քանի որ նախագահը գրեթե չի խոսել երկրում ստեղծված իրավիճակում պատասխանատվության իր մասնաբաժնի մասին` փորձելով կառավարության հրաժարականով ողջ մեղավորությունը բարդել նրա վրա: Ելույթի ժամանակ հավաքվածները մեծ դժգոհությամբ են ընդունել Մուբարաքի ուղերձը, և սպասվում է, որ այսօր կրկին նրանք փողոց դուրս կգան:
Երեկվա բախումների հետևանքով երկրում կան բազմաթիվ զոհեր և վիրավորներ: Զոհերի թիվը հասել է 32-ի: Տեղեկություններ կան, որ հիմնական զոհերը եղել են Կահիրեում` 15 զոհ, և Սուեզում, որտեղ ամենակատաղի բախումներն էին, իսկ ժողովրդին հաջողվել էր գրավել քաղաքի մեծ մասը: Այստեղ զովել է 13 մարդ: Այս մասին հաղորդում է Al-Misr Al-Youm կայքը:
Հայտնի է նաև, որ ոստիկանությանն ու զինվորականներին հաջողվել է ազատել միայն քաղաքի կենտրոնական Թահրիր հրապարակը: Ցուցարարներն այստեղից տեղափոխվել են հարակից փողոցներ:
Ստորև ներկայացվող լուսանկարները խորհուրդ չի տրվում դիտել անչափահասներին, ինչպես նաև թույլ նյարդային համակարգ ունեցող անձանց:
