Լուիզիանայի համալսարանի գիտնականները հավկիթը անվանել են նախաճաշի համար լավագույն ընտրություն: Ինչպես գրում է Daily Mail-ը, հավկիթը թույլ չի տալիս ճաշին սովի սուր զգացողություն ունենալ: Այս առումով այն արդյունավետ դեր կարող է խաղալ քաշի կարգավորման հարցում:
Հետազոտությանը մասնակցել է 20 կամավոր: Նրանց շաբաթվա ընթացքում նախաճաշին տրվել է երկու հավկիթ կամ մեկ ափսե ապուր: Երկու դեպքում էլ կալորիաները, ածխաջրերի, սպիտակուցների ու ճարպերի քանակությունը նույնն է եղել: Մասնակիցները ճաշի ժամին հայտնել են՝ նրանց մոտ սովի զգացողությունը սո՞ւր է, թե՞ ոչ: Այնուհետև նրանք արյան փորձաքննության են ենթարկվել և ճաշել: Պարզվել է, որ առավոտյան հավկիթով նախաճաշողները ճաշին քիչ են սնվել, քանի որ սովի զգացողությունը նրանց մոտ սուր չի արտահայտվել: Հավկիթ օգատագործողների մոտ գրելինի՝ սովի հորմոնի քանակը արյան մեջ քիչ է եղել:
Գիտնականները պարզել են, որ այս հարցում մեծ դեարակատարում է վերապահված հավկիթի սպիտակուցներին, որոնք որակով առանձնանում են սպիտակուցների մյուս տեսակներից:
