Քրիս Համֆրիսը ծաղրում է Քիմ Քարդաշյանին և նրա նոր սիրուն` կրելով Քանյե Ուեսթի ակնոցից: Համֆրիսը Funny Or Die վերնագրով տեսագրություն է տարածել, որտեղ նա ծաղրով է ներկայացրել իր նախկին կնոջ ու նրա ընկերոջ հարաբերությունները:
Ի դեպ, Քանյե Ուեսթի նոր երգում, որը կոչվում է So Cold («Այնքան սառը»), ռեփերը Համֆրիսին բախտավոր է անվանում, որ ինքը չի ասել բասկետբոլի ակումբի սեփականատեր իր ընկերոջը` Jay-Z-ին, որպեսզի նա Համֆրիսին հեռացնի թիմից: Տեսագրությունում երևում է, թե ինչպես է 27-ամյա մարզիկը դիմում PR մասնագետների, որպեսզի նրանք օգնեն իրեն հայտնի դառնալ: Նրանք Համֆրիսին կոչ են անում թողարկել իր պատկերով զուգարանի թղթեր և արտասովոր իրեր: Նրանք նույնիսկ Քրիսին առաջարկում են մի զույգ սպիտակ գծավոր ակնոց, որոնք մի քանի տարի առաջ հայտնի են դարձրել Քանյեին:
PR մասնագետները տեսնելով նրա նոր կերպարը` ասում են, որ չեն ցանկանում, որ նա նման լինի Քանյեին, և նրան են տալիս մուգ ապակիներով ակնոց: Նրանք նույնիսկ առաջարկում են ստեղծել խաղ, որտեղ խաղացողը պետք է աքացի տա Համֆրիսի սեռական օրգանին:
Տեսագրությունում PR մասնագետներին դիմելով և նրանց կողմից անհեթեթ առաջարկներ ներկայացնելով՝ Համֆրիսը հավանաբար ցանկացել է ցույց տալ, որ Քարդաշյանի հետ Քանյեի կապն ու իր մասին երգեր հյուսելը ևս PR-ի հնարք է: