Ջորջթաունի համալսարանը մինչև 2020 թվականը մասնագիտությունների հեռանկարների վերաբերյալ հետազոտություն է անցկացրել: Ուսումնասիրությունները, որոնք հիմնված են ԱՄՆ-ի բնակչության մարդահամարի տվյալների վրա, տևել են 2 տարի: Այսպիսով` ԱՄՆ-ում հեռանկարային մասնագետների աղյուսակը հետևյալ տեսքն ունի.
1. Բժշկական հոգաբարձու. սկսնակների շրջանում գործազրկությունը կազմում է 4 %, իսկ փորձառուների շրջանում` 1,9 %: Տարեկան աշխատավարձը համապատասխանաբար` 48 և 64 հազար դոլար է:
2. Մեքենաշինարարներ (ինժեներներ և տեխնիկներ). սկսնակների շրջանում գործազրկությունը կազմում է 8,6 %, իսկ փորձառուների շրջանում` 3,8 %: Տարեկան աշխատավարձը համապատասխանաբար` 58 և 86 հազար դոլար է:
3. Ինֆորմատիկայի մասնագետներ. սկսնակների շրջանում գործազրկությունը կազմում է 7,8 %, իսկ փորձառուների շրջանում` 5,6 %: Տարեկան աշխատավարձը համապատասխանաբար՝ 50 և 81 հազար դոլար:
4. Ֆինանսական վերլուծաբաններ. սկսնակների շրջանում գործազրկությունը կազմում է 6,6 %, իսկ փորձառուների շրջանում` 5.2 %: Տարեկան աշխատավարձը համապատասխանաբար` 44 և 72 հազար դոլար է:
5. Մաթեմատիկոսներ. նորավարտների շրջանում գործազրկությունը կազմում է 6,6 %, իսկ փորձառուների շրջանում` 5,1 %: Տարեկան աշխատավարձը համապատասխանաբար` 40 և 71 հազար դոլար:
6. Հաշվապահներ և աուդիտորներ. սկսնակների շրջանում գործազրկությունը կազմում է 6,8 %,իսկ փորձառուների շրջանում` 4,8 %: Տարեկան աշխատավարձը համապատասխանաբար` 43 և 65 հազար դոլար:
7. Ֆրանսերենի և գերմաներենի թարգմանիչներ. սկսնակների շրջանում գործազրկությունը կազմում է 7,9 %, իսկ փորձառուների շրջանում` 4,8 %: Տարեկան աշխատավարձը համապատասխանաբար` 32 և 52 հազար դոլար:
8. Տարրական դպրոցի ուսուցիչներ և մանկապարտեզի դաստիարակներ. սկսնակների շրջանում գործազրկությունը կազմում է 4,8 %, իսկ փորձառուների շրջանում` 3,4 %: Տարեկան աշխատավարձը համապատասխանաբար` 33 և 40 հազար դոլար:
ԱՄՆ-ում ամենաանհեռանկարային մասնագիտություններն են համարվում թատերական դերասանությունը, գրաֆիկական դիզայներությունը, ճարտարապետությունն ու լրագրությունը: