ԼՂՀ հարկային պետական տեսչության տվյալներով, այս տարվա առաջին եռամսյակում Ղարաբաղի ամենախոշոր հարկատուն «Բեյզ Մեթըլս» ընկերությունն է. այս տարվա երեք եռամսյակների ընթացքում այդ ընկերությունը վճարել է ավելի քան 2 մլրդ 476 մլն դրամ հարկ: Երկրորդ տեղում «Ղարաբաղ Տելեկոմ» ընկերությունն է` ավելի քան մեկ մլրդ դրամ ցուցանիշով: Երրորդ հորիզոնականում` «Արցախբանկն» է` ավելի քան 411 մլն դրամով: Լավագույն տասնյակի հաջորդական հորիզոնականները հետեւյալ տեսքն ունեն. 4-րդ հորիզոնական` «Արցախգազ» ընկերություն` ավելի քան 409 մլն դրամ հարկով, 5-րդ հորիզոնական` «Կապավոր» ընկերություն` (ասֆալտապատման աշխատանքներ է իրականացնում), ավելի քան 346 մլն դրամ, 6-րդ հորիզոնականում է` «Արցախէներգոն»` ավելի քան 224 մլն դրամով, 7-րդում` «Դորոժնիկ» ընկերությունն է`(կրկին ասֆալտապատման աշխատանքներ իրականացնող ընկերություն)` ավելի քան 181 մլն դրամ հարկով, 8-րդ հորիզոնականում` «Գլոբալ Շին» ընկերությունն է` ավելի քան 123 մլն դրամով, 9-րդ հորիզոնականում է «Հորիզոն Թրեյդ» ընկերությունը` ավելի քան 113 մլն դրամով եւ լավագույն տասնյակը եզրափակում է «Վիրաժ» ընկերությունը` ավելի քան 98 մլն դրամով:
ԼՂՀ հարկային ծառայության ներկայացրած հարկատուների ցուցակը ընդհանուր առմամբ բաղկացած է 535 հարկատուներից: Նրանց թվում են նաեւ Հայէկոնոմբանկի ԼՂՀ մասնաճյուղը, Ամերիաբանկի Ղարաբաղի մասնաճյուղը, Արդշինինվեստբանկի Ղարաբաղի մասնաճյուղը եւ այլն: Հարկատուների վերջին հինգ հորիզոնականներում են անհատ ձեռներեց Արսեն Հարությունյանը, (ք.Ստեփանակերտ), Հովիկ Սարգսյանը (ք. Հադրութ), «ՄՄՄ» ընկերությունը, Արցախբանկի «Վերածնունդ» մասնաճյուղը, Արայիկ Ավանեսյան անհատ ձեռներեցը (ք. Ստեփանակերտ)` նրանք բոլորը վճարել են մեկ մլն դրամից մի փոքր ավել հարկ:
