Մերիլին Մոնրոյի մերկ նկարները, որոնք արվել էին 1962թ․ ֆոտոսեսիայի ժամանակ, չգտան իրենց գնորդին Bonhams աճուրդների տանը կազմակերպված վաճառքների ժամանակ։ Այս մասին հաղորդում է France Presse գործակալությունը։
Առաջարկվող լոտի նախնական գինը կազմել է 18-25 հազար դոլար, սակայն այդպիսի գին ոչ ոք չի առաջարկել։ Նշվում է, որ նկարներն արվել են Մոնրոյի մահվանից մեկուկես ամիս առաջ։
Դերասանուհուն լուսանկարել էր Vogue հանրահայտ ամսագրի լուսանկարիչ Բերթ Շտերնը։ Գործակալությունը նաև հիշեցնում է, որ 2008թ․-ին Christie’s աճուրդների տանը վաճառվել է Մոնրոյի վերջին ֆոտոսեսիայի 26 լուսանկար, որոնց համար վճարվել է 146 հազար դոլար։
