Google+ սոցցանցը օգտատերերի համար գործարկում է Hangouts On Air՝ «Եթերում» գործառույթը: Այն թույլ է տալիս ուղիղ եթերում անսահմանափակ թվով մարդկանց ցուցադրել նկարահանած տեսանյութը:
Իր բլոգում Google-ն առաջարկել է օգտվել Hangouts On Air ծառայությունից՝ համացանցով հեռարձակելու կլոր սեղաններ, համերգներ, դեպքի վայրից ռեպորտաժներ և այլն:
Զանգվածային հեռարձակում կազմակերպելու համար օգտատերը պետք է Google+ ցանցի իր account-ը «կապի» YouTube-ի account-ի հետ: Երբ ուղիղ եթերում ցուցադրությունն ավարտվի, տեսագրությունը կհայտնվի սոցիալական ցանցի էջում և վիդեոհոսթինգում:
Hangouts On Air գործառույթը ներկայացվել էր 2011-ի սեպտեմբերին, սակայն մինչ օրս հասանելի էր միայն հայտնի մարդկանց նեղ շրջանակի: Ծառայությունից օգտվում էին մասնավորապես ԱՄՆ նախագահ Բարաք Օբաման և will.i.am-ը՝ ամերիկյան Black Eyed Peas փոփ-խմբի առաջնորդը:
Google+ սոցիալական ցանցը գործարկվել է 2011-ի հունիսին: 2012-ի ապրիլին Google ընկերությունը հայտարարել է, որ ցանցի օգտատերերի թիվը գերազանցում է 170 միլիոնը:
