9/05 ընտրատեղամասում վստահված անձանց և ՀԱԿ-ի դիտորդների կողմից արձանագրվել են մի շարք խախտումներ: Բացի այն, որ կնիքները շատ շուտ ցնդում են, քվեախցիկները տեղադրված են այնպես, որ շատ հեշտ կարելի է նկատել, թե ով ում օգտին է քվեարկում:
ՀԱԿ վստահված անձն ասաց, որ իրենք մի քանի անգամ դիմել են հանձնաժողովի նախագահին՝ լուծելու համար խնդիրը:
«Այս ընտրատեղամասը լրիվ բարդակ է, թաղային»: Դիտորդը նշեց, որ ծերերի մոտ հայտնաբերվել է ՀՀԿ այցեքարտը՝ համար 4 նշանով, իսկ թիվ 4-ը Ռուբեն Սադոյանն է:
ՀԱԿ վստահված անձանցից մեկը, ով չցանկացավ ներկայանալ, նշեց, որ մեկումեջ հայտնվում են առանց գրանցման ընտրողներ, օգնողներ, ինչը օրենքի խախտում է:
Նա հավելեց նաև, որ հանձնաժողովի նախագահը ինքն է որոշում՝ ով ում օգտին է թվեարկում, պատճառաբանելով, թե սա իր թաղն է:
«Առաջին լրատվական»-ը փորձեց արձանագրված դեպքերի մասին արձանագրություն ստանալ հանձնաժողովի նախագահ Ավագ Դանիելյանից, ինչին ի պատասխան՝ նա ասաց. «Ես իմ ընտրատեղամասում խախտման ոչ մի դեպք չեմ արձանագրել, ինչ էլ եղել է, շատ արագ շտկվել է: Ընտրությունները ընթանում են իրենց բնականոն հունով»:
Հավելենք, որ ՀՀԿ շտաբը գտնվում է այդ ընտրատեղամասի կողքին, և ինչպես մարդիկ են ասում՝ հենց այդտեղից էլ ստանում են «պտիչկաները»:
