Թուրքական Cihan լրատվական գործակալության փոխանցմամբ՝ Սիրիայում ժողովրդական հուզումների սկսվելուց ի վեր՝ Թուրքիայի սահմանը հատել են ավելի քան 40,000-ի սիրիացի փախստականներ: Այդ 40,807 փախստականներից 17,796-ը վերադարձել են հայրենիք, և ներկայումս Թուրքիայի տարածքում գտնվում են 23,011 սիրիացի փախստականներ:
Նրանք տեղավորվել են Սիրիայի սահմանին մոտ ընկած 4 նահանգներում ստեղծված 9 վրանային և 1 տնակային քաղաքներում: Բացի այդ, 4251 սիրիացի երեխաների ու երիտասարդների համար տեղում անցկացվում են կրթական դասընթացներ: