Bloomberg Markets ամսագրի վարկածով`աշխարհի ամենահուսալի բանկերի թվում առաջին հորիզոնականն զբաղեցրել են կանադական բանկերը: CIBC (Canadian Imperial Bank of Commerce) բանկը հայտնվել է ամենահուսալի բանկերի վարկանշային աղյուսակի երրորդ հորիզոնականում, նրան հաջորդում է Toronto-Dominion Bank-ը (4), National Bank of Canada-ն (5) ու Royal Bank of Canada-ն (6)` երկրի խոշորագույն բանկը: Տասնյակի երկրորդ ու երրորդ տեղերում են Bank of Nova Scotia-ն (18) ու Bank of Montreal-ը (22):
Ոչ մի այլ երկիր ներկայացված չէ նման ներկայացուցիչների քանակով, որքան Կանադան: 34.7 մլն բնակչություն ունեցող երկրում ընդամենը ութ բանկ է առևտուր անում բորսայում, նրանցից երկուսը շրջանային են: Այս մասին հայտնում է BFM-ը:
Երկրորդ տարին շարունակ աշխարհի ուժեղագույն բանկ է ճանաչվել սինգապուրյան Oversea-Chinese Banking Corp-ը (OCBC), նրան հաջորդում է BOC Hong Kong Holdings Ltd-ն: Ուժեղագույն բանկերի տասնյակում ընգրկվել է ևս երկու սինգապուրյան բանկ` United Overseas Bank Ltd-ն (UOB) (7) ու DBS Group Holdings Ltd-ն (8):
ԱՄՆ բանկերին վարկանշային աղյուսակի քսանյակում բաժին է ընկել միայն երեք հորիզոնական, այն էլ երկրորդ տասնյակում` JPMorgan Chase (13), PNC Financial Services Group Inc. (17) и BB&T Corp. (20):
Եվրոպայից վարկանշային աղյուսակում հայտնվել է ընդամենը երկու շվեդական, մեկ բրիտանական ու մեկ շվեյցարական բանկ:
Աշխարհի ամենահուսալի բանկերի վարկանշային աղյուսակում հայտնվել են 100 մլրդ դոլար ակտիվների քանակով բանկերը, և չեն ընդգրկվել այն բանկերը, որոնք չեն անցել սթրես-թեստեր կամ 2011թ. վնասներ են կրել:
