80-ամյա տատիկը երազում է Twitter-ում 80 հազար ընթերցող ունենալու մասին: Այս մասին հայտնում են ամերիկյան ԶԼՄ-ները: Twitter-ի երկրպագու Ժոզեֆինա Լամբերտին բնակվում է Նյու Յորքում, սոցիալական ցանցում նա հայտնի է OLDLadySwag անունով: Նրա խոսքով՝ իրեն անհրաժեշտ է միկրոբլոգների ցանցում 80 հազար բաժանորդ ունենալ, քանի դեռ ողջ է: Թիվը պատահական չէ ընտրված՝ կյանքի յուրաքանչյուր տարվա համար 1000 ընթերցող:
Մայիսի 2-ի դրությամբ՝ արկածախնդիր տատիկի բլոգը կարդում է ավելի քան 70 հազար բաժանորդ: Նրա երկրպագուների թվում են հոլիվուդյան աստղեր՝ երգչուհի Ռիհաննան, դերասանուհի Միլա Յովովիչը, երգչուհի Միսսի Էլիոթը և այլք:
Տատիկին մեծ ճանաչում են բերել նրա լուսանկարները, որտեղ նա գլխին կրում է բանդանա, ժամանակակից արևային ակնոցներ ու ռեփերների ստորագրության տեսքով դաջվածքներով:
Ազատ ժամանակ Լամբերիտի տատիկը սիրում է պարել և թոռների համար տեֆտելի պատրաստել:
