Facebook սոցիալական ցանցում բաժնետոմսերի արժեքն առաջնային տեղաբաշխման ժամանակ (IPO) կկազմի 28-35 դոլար:
Այս եղանակով կազմակերպության արժեքը կկազմի 85-95 մլրդ դոլար: Ծրագրվում է վաճառել բոլոր բաժնետոմսերի 10 տոկոսը, ինչը Facebook-ին կբերի շուրջ 12 մլրդ դոլար: Այս մասին հայտնում է Lenta.ru-ն:
Facebook-ը IPO-ի անցկացման հայտ էր ներկայացրել 2012 թ. փետրվարի 1-ին: BBC News-ին տվյալներով` բաժնետոմսերի առուվաճառքը կսկսվի մայիսի 18-ին: Facebook-ի առաջնային տեղաբաշխումը կարող է դառնալ խոշորագույնը բոլոր ինտերնետ ընկերությունների շրջանում:
Ենթադրվում է, որ Facebook-ի բաժնետոմսերը մեծ պահանջարկ կունենան, սակայն որոշ ներդրողներ անհանգստություն էին հայտնել ընկերության աճի երկարաժամկետ հեռանկարների վերաբերյալ:
Անցած շաբաթ Facebook-ն առաջին անգամ երկու տարվա ընթացքում հայտարարել է 2012 թ. առաջին եռամսյակում հասույթի կրճատման մասին՝ անցած տարվա վերջին երեք ամսվա համեմատ:
Facebook-ի հիմնադիր ու գլխավոր տնօրեն Մարկ Ցուկերբերգը կշարունակի վերահսկողության տակ պահել ընկերությունը նաև IPO-ից հետո: Իր տնօրինության տակ գտնվող բաժնետոմսերի շնորհիվ նա կղեկավարի քվեարկությանը մասնակցող բաժնետոմսերի 57.3 տոկոսը:
