Այս զույգն առաջինն է աշխարհում, որ ցանկացել է ամուսնանալ Հյուսիսային բևեռում: Նորվեգացի զույգի հարսանեկան արարողությունն անցկացվել է 7 աստիճան ցրտի պայմաններում: Որքան էլ զարմանալի է, սակայն հարսանեկան ավտոմեքենային փոխարինել է ուղղաթիռը:
Ինչպես տեղեկացնում է DailyMaily-ը, այդ կողմերում դահուկավազքով զբաղվողները երբեք ականատես չէին եղել նման միջոցառման: Մի դահուկորդ կանգնել է, միացել հարսանքավորներին ու մի բաժակ շամպայնով շնորհավորել նորապսակներին:
Արկտիկան հետազոտող 49-ամյա Բեքսրիջ Օուսլենդը իրեն շատ երջանիկ է զգում: Նրա խոսքով՝ Հյուսիսային բևեռում է անցկացրել կյանքի մեծ մասը, այդ իսկ պատճառով ցանկացել է, որ հարսանիքն էլ այնտեղ անցնի: Հարսանեկան երգիչը միայնակ կիթառահարն էր, որը երգել է՝ «Ահա եկավ հարսնացուն» հայտնի երգը:
Միջոցառմանը մասնակցել է 15 մարդ, այդ թվում՝ ուղղաթիռի անձնակազմի անդամները:
Արտասովոր ամուսնական արարողությունից հետո զույգն ուղևորվել է Իտալիա, որտեղ կանցկացնի մեղրամիսը:
