Իսրայելի օդուժն այս գիշեր հարված է հասցրել Գազայի հատվածի հյուսիսում զինյալների օբյեկտներին: Ինչպես հաղորդում է ITAR-TASS-ը, հարվածը հասցվել է ի պատասխան Իսրայելի տարածքի հրթիռակոծության:
Իսրայելական կողմի հաղորդմամբ՝ օդային հարվածից առաջ ծայրահեղականներն ինքնաշեն հրթիռ էին բաց թողել Աշկելոն քաղաքի ուղղությամբ: Դեպքի արդյունքում տուժողներ չեն եղել։ Իսրայելի պատասխան հարվածը նույնպես լուրջ հետևանքներ չի ունեցել:
Վերջին շաբաթներին Իսրայելի և Գազայի սահմանի վրա համեմատական հանգստություն էր տիրում: Այնուամենայնիվ, տեղի փորձագետները նշում են, որ երկուշաբթի Գազայում չպարզված հանգամանքներում սպանվել է Ազգային դիմադրության կոմիտեների խմբավորման առաջնորդներից մեկը։ Իսրայելական բանակը հերքում է իր մասնակցությունը սպանությանը:
