Երգիչ Իոսիֆ Կոբզոնի` ԱՄՆ-ում համերգների կազմակերպիչները ապրիլի 27-ին Վաշինգտոնում հանդիպել են պետդեպարտամենտի ներկայացուցիչների հետ` քննարկելով ռուս արտիստին մուտքի արտոնագիր տրամադրելու հարցը, որը նրան մերժվել էր ապրիլի 24-ին:
40 րոպեանոց բանակցությունների ընթացքում ԱՄՆ արտաքին գերատեսչության իրավաբանական բաժնի ղեկավարին է տրամադրվել նամակ` խնդրելով վերանայել որոշումը:
Ինչպես հաղորդում է ITAR-TASS գործակալությունը, «դիվանագետներն ընդունել են բողոքարկումը ու պնդել, որ Իոսիֆ Կոբզոնին արտոնագիր տրամադրելու հարցը մոտ ապագայում բարձր մակարդակով կվերանայվի»:
Կոբզոնը Մոսկվայում ԱՄՆ դեսպանությունում հարցազրույց էր անցել մարտի 15-ին:
Ուրբաթ օրը ՌԴ արտգործնախարար Սերգեյ Լավրովը հայտարարել է, որ Մոսկվան ամեն ինչ կանի` հասնելու նրան, որ Կոբզոնի ու մյուս ռուս քաղաքացիների վրայից հանվեն ԱՄՆ այցելելու արգելքները: Իր հերթին Կոբզոնը հայտարարել է, որ իրեն արտոնագիր տրամադրելու հարցը նշանակում է «թքել Ռուսաստանի վրա»:
